Byaheng Bubong

Isang reaksyon

Ang aga kong umalis ng bahay para lang makapwesto sa maganda-gandang upuan dahil alam mo naman sa atin, paunahan lagi. Kung babagal-bagal ka, talagang maiiwanan ka. Kung aarte-arte ka naman, mas lalo kang iiwanan. Tulad ng nangyari sa akin sa huling uwi ko sa Paluan, sa halip na mapapwesto sa maganda-gandang upuan, sa bubong ako napunta. Alam mo ba kung bakit?

Well, umuwi nga pala ako ng paluan para makipagparticipate naman sa fiesta. Nagturo lang naman ako ng streetdancing na ilalaban ng Central. Maganda naman at madali kong napatuto ang mga bata. Naniniwala akong magagaling talaga ang mga taga-Paluan at talented pa!

Hayan na nga. Ok ang pag-uwi ko sa Paluan dahil kapag nasa Mamburao pala, bawal ang mga tao sa bubong ng dyip. Kaya lahat kaming mga pasahero ay nasa loob. Ang siste ka, siksikan din naman at ang init! Wala ka namang magawa kasi iyun na talaga ang naging parang kaugalian na talagang sisiksikin ang mga pasahero hanggat may lulugaran pa. Kahit ngagitna ng dyip e may upuan na para marami ang maisakay. Ang siste ka, may mga tao na nga sa gitna, may nagkakanlungan pa.

Tapos naman nung pabalik na ako ng maynila. Syempre, kailangang makipagpaunahan para makasakay sa loob dahil siguradong asbok na naman iyan! Akala ko ay walang dapat sasakay sa bubong tulad ng patakaran sa Mamburao, hala, ay meron pala! Kaya pala hindi agad umalis ang dyip e hinihintay pang mapuno ang itaas ng bubong. “Ano ba ‘yan?”, pagrereklamo ko. Biglang may napatingin sa akin sabay sabing ganyan talaga dito sa Paluan. Tama ba ‘yun? Kailangan ba laging kung ano ang nakagawian na ay iyun na ‘yun!? Hindi naman ‘ata tama ‘yun!?

Tapos sa hiya kahit papaano ay napapunta na rin ako sa bubong dahil may mga humahabol na grupo ng matatanda. Syempre, nakakahiya naman na nakaupo ka sa upuan samantalang nakikita mo naman ang matatanda na halos nagkakanda kuba na ay nakatingin sa iyo. Syempre naman kahit papaano ay mahihiya ka rin. Iyun ang nagbunsod sa akin para mapapunta ako sa bubong.

Hindi lang naman iyun ang pinag-aalburuto ko. Nasa bubong na nga at kung titingnan mo ay talagang punong-puno na, magpapasakay pa rin! Sobrang siba talaga. Ang hindi ko lang lubos na maisip, bakit sa Maburao hindi pwede ang ganitong sistema pero sa Paluan ay pwede. Hindi man lang ba ‘yan mapag-usapan? Simple lang naman iyan e!

Hahayaan pa ba nating may mangyaring sakuna tulad ng nangyari sa Nueva Ecija noong 2001? Kailangan pa bang may mangyaring ganito para lang amtigil ang ganitong sistema?

Hindi ko lpinapublish ito dahil galit ako dahil sa bubong ako napasakay. Ang sa akin lang, guasto ko namang mabago ang bulok na sistemang tulad nito. Para rin naman kasi sa atin ang mga bagay na ito. Nawa, sa lahat ng bumabasa nito, isipin ninyong mabuti bago kayo humusga.

For comments: paluan_tambayan@yahoo.com